نجی کورئیر کمپنی کے دفتر سے ملبوسات میں جذب آئس برآمد
کیپشن: فوٹو (اسکرین گریب)
Stay tuned with 24 News HD Android App
(ویب ڈیسک) انٹی نارکوٹکس فورس نے کراچی میں نجی کورئیر کمپنی کے دفتر پر چھاپے کے دوران خواتین اوربچوں کے ملبوسات میں جذب کی گئی آئس برآمد کر لی ہے۔
ترجمان اے این ایف کے مطابق شاہراہ فیصل پر واقع نجی کوریئر کمپنی کے آفس میں آسٹریلیا کے لیے بُک کیے گئے پارسل سے آئس برآمد کی گئی۔ آسٹریلیا بھیجے جانیوالے پارسل کا مجموعی وزن 49 کلو گرام ہے۔ برآمد شدہ آئس خواتین اوربچوں کے کپڑوں میں جذب کی گئی تھی۔
برآمدشدہ آئس کے وزن کا تعین کیا جا رہا ہے۔ پارسل چمن کے رہائشی کی جانب سے بک کروایا گیا۔ ملزم کے خلاف انسدادِ منشیات ایکٹ کے تحت مقدمہ درج کر لیا گیا ہے۔
یہ بھی پڑھیے: پی ٹی آئی اور ن لیگ میں تلخ کلامی، گولیاں چل گئیں، افسوسناک خبر آگئی