9 مئی مقدمات ،عمران خان کی ضمانت درخواستوں پر پراسیکیوشن سے دلائل طلب
Stay tuned with 24 News HD Android App
(24نیوز)انسداد دہشتگردی عدالت لاہور نے بانی پی ٹی آئی کی 9 مئی کے مقدمات میں ضمانت کی درخواستوں پر پراسیکیوشن سے دلائل طلب کرلئے۔
انسداد دہشتگردی عدالت لاہور میں بانی پی ٹی آئی کی نو مئی کے مقدمات میں ضمانت کی درخواستوں پر سماعت ہوئی ، جج ارشد جاوید نے چار ضمانتوں پر سماعت کی،سپیشل پراسیکیوٹر نے ضمانتوں پر دلائل کیلئے مہلت طلب کی ، عدالت نے آئندہ سماعت پر پراسکیوشن سے دلائل طلب کر لئے۔
عدالت نے بانی پی ٹی آئی کی ضمانتوں پر سماعت 30 ستمبر تک ملتوی کردی۔
خیال رہے کہ بانی ہی ٹی آئی کے وکیل بیرسٹر سلیمان صفدر نے چار ضمانتوں پر دلائل مکمل کر رکھے ہیں، بانی پی ٹی آئی کی مسلم لیگ نون کا آفس جلانے سمیت چار ضمانتیں کورٹ نمبر 3 میں زیر سماعت ہیں، بانی پی ٹی آئی نے 12 مقدمات میں بعد از گرفتاری ضمانت کی درخواستیں دائر کر رکھی ہے۔
دیگر 8 مقدمات میں بانی پی ٹی آئی کی ضمانت کی درخواستیں ایڈمن کورٹ میں زیر التوا ہیں، اے ٹی سی ایڈمن کورٹ کے جج کا تبادلہ ہو چکا ہے، بانی پی ٹی آئی نے مسلم لیگ نون کا آفس جلانے ، کلمہ چوک پر کینٹینر جلانے اور نیشنل پارک گلبرگ کے سامنے کنٹینر جلانے سمیت 4 مقدمات میں ضمانتیں دائر کر رکھی ہیں،عمران خان کی جناح ہاؤس اور عسکری ٹاور حملہ سمیت 8 مقدمات میں ضمانت کی درخواستیں کورٹ نمبر 1 میں زیر سماعت ہیں۔