’’معروف اداکار ‘‘ کی نیم برہنہ لباس میں ویڈیو وائرل، کڑی تنقید کا سامنا

(24نیوز) پاکستانی ڈراموں  کے نامور اداکار شہروز سبزواری کی  انسٹاگرام پر  نیم برہنہ لباس  میں جاگنگ کرتے ہوئے ویڈیو  وائرل ہورہی ہے جسے صارفین  کی جانب سے  کڑی تنقید کا نشانہ بنایا جارہا ہے۔

تفصیلات کے مطابق شوبز انڈسٹری کے سینئر اداکار بہروزسبزواری کے بیٹے اداکار شہروز سبزواری کو اپنی ایک ویڈیو کی وجہ سے سوشل میڈیا پر تنقید کا سامنا ہے۔سوشل میڈیا پر شہروز سبزواری کی ایک ویڈیو وائرل ہورہی ہے جس میں وہ افطار سے قبل سڑک پر جاگنگ کررہے ہیں لیکن اس دوران صرف شارٹ پہننے کی وجہ سے انہیں صارفین تنقید کا نشانہ بنارہے ہیں۔ویڈیو میں دیکھا جاسکتا ہےکہ شہروز سبزواری شارٹ پہن کر اپنے دوستوں کے ہمراہ جاگنگ کررہے ہیں جب کہ ان کے دوست بھی صرف شارٹ میں ہی موجود ہیں۔

View this post on Instagram

A post shared by Galaxy Lollywood (@galaxylollywood)

  سوشل میڈیا صارفین نے اداکار کے لباس پر تنقید کی ہے اور صارفین کا کہنا ہےکہ پردہ صرف خواتین کے لیے نہیں ہے بلکہ مردوں کو بھی اس حوالے سے سنجیدہ رویہ اپنانا چاہیے اور اپنے آپ کو مناسب طریقے سے ڈھانپنا چاہیے۔ایک صارف نے لکھا کہ مغرب میں بھی لوگ ایسے نہیں بھاگتے۔

ایک صارف نے اپنے کمنٹ میں کہا کہ ’’پردہ کرنا صرف خواتین کا حق ہے کیا ؟ مرد جو چاہیں وہ کرسکتے ہیں ؟‘‘

  
ایک اور صارف نے لکھا کہ’’ کون میرے ملک کے بیٹوں کو سڑک پر ننگا دوڑا رہا ہے‘‘۔