(24نیوز)مسلم لیگ ن کی نائب صدر مریم نواز کا این اے 249 کے ضمنی الیکشن کی کمپین کیلئے دورہ کراچی کورونا وائرس کی صورتحال کے پیشِ نظر منسوخ کردیا گیا ہے۔
مسلم لیگ نون کی ترجمان مریم اورنگزیب نے تصدیق کی ہے کہ لیگی نائب صدر مریم نواز نے دورہ کراچی منسوخ کردیا ہے۔لیگی رہنما نے عوام کی زندگیوں کےتحفظ اور کورونا سے بچاؤ کی خاطر یہ فیصلہ کیا گیا۔
واضح رہے کہ کراچی کے حلقہ این اے 249 کے ضمنی الیکشن میں سیاسی جماعتوں کے رہنماؤں کی انتخابی مہم کے سلسلے میں مریم نواز کو آج شام 6 بجے کراچی پہنچنا تھا۔ذرائع کے مطابق مسلم لیگ نون کی نائب صدر مریم نواز کو مفتاح اسماعیل کے گھر سے ریلی کے ہمراہ بلدیہ ٹاؤن اور چاندنی چوک میں جلسے سے خطاب کرنا تھا۔مسلم لیگ (ن) کی مرکزی نائب صدر مریم نواز کی پارٹی عہدیداروں سے بھی ملاقاتیں طے تھیں۔