کورونا نے ایک اور بھارتی اداکار کی جان لے لی

(24 نیوز)بھارت کے اسٹیج ،ٹی وی اور فلم کے معروف اداکارو ہدایتکار للیت بہل کورونا کے باعث چل بسے۔
بھارتی میڈیا رپورٹس کے مطابق گزشتہ دنوں 71 سالہ اداکار و ہدایتکار میں کورونا وائرس کی تشخیص ہوئی تھی جس کے بعد سے وہ دلی کے مقامی اسپتال میں زیر علاج تھے۔ للیت بہل دل کے مرض میں بھی مبتلا تھے جبکہ کورونا کے باعث ان کے پھیپھڑے شدید متاثرہوگئے تھے۔اداکار جمعے کی رات کو دوران علاج ہسپتال میں دم توڑ گئے۔
للیت بہل نے متعدد اسٹیج، ٹی وی ڈراموں اور فلموں میں اداکاری کے جوہر دکھائے ہیں جبکہ کئی فلموں کے پروڈیوسر و یدایتکار بھی رہ چکے ہیں۔اداکار کی انتقال پر انڈسٹری میں سوگ کی فضا چھاگئی ہے اور اداکاروں نے افسوس کا اظہار کیا ہے۔
یہ بھی پڑھیں: ہٹلر کا سگار بکس 29 ہزار ڈالر میں نیلام