پی ایس ایل کے بقیہ میچز کیلئے کون کونسے کھلاڑی دستیاب ؟جانیے

(24نیوز)پی ایس ایل کے رہ جا نے وا لے میچز کے لیے ڈرافٹ آئندہ ہفتے ہونے کی خبر سا منے آئی ہے جس کے لیے فرنچائزز کو ڈرافٹ کے لیے دستیاب کھلاڑیوں کی فہرست مہیا کر دی گئی ۔
تفصیلات کے مطابق نجی ٹی وی کے ذرائع کا کہنا ہے کہ پی ایس ایل کے باقی میچز کے لیے صف اول کے کھلاڑی مکمل طور پر دستیاب نہیں اور جو ہیں وہ بھی کچھ حصے کے لیے ہیں اس لیے سرکردہ انٹرنیشنل کرکٹرز کی عدم دستیابی فرنچائزز کے لیے پریشا نی کا با عث بن گئی ۔
 ابتدائی میچز کھیلنے والے انگلینڈ کے کرکٹرز اب دستیاب نہیں جب کہ آسٹریلیا، نیوزی لینڈ اور جنوبی افریقا کے جو کھلاڑی دستیاب اس فہرست میں صف اول کے نام شامل نہیں ہیں۔بنگلادیش کے شکیب الحسن اورتمیم اقبال بھی فہرست میں شامل ہیں، نیوزی لینڈ کے مارٹن گپٹل پی ایس ایل کےلیے دستیاب ہوں گے، آندرے رسل نے چند میچزکے لیے دستیابی ظاہرکی ہے جب کہ عثمان خواجہ، ایڈم ملنے، جیمز فولکنر، جو برنز اور مورنے مورکل بھی ڈارفٹ کا حصہ ہیں، ڈرافٹ کے لیے 130 غیر ملکی کھلاڑیوں کی فہرست تیارکی گئی ہے۔پلاٹینم اور ڈائمنڈ میں بڑے غیر ملکی کھلاڑیوں کی عدم دستیابی سے فرنچائزز کو اپنے مضبوط کمبی نیشن بنانے میں مشکل پیش آرہی ہے۔
یا د رہے کہ پی ایس ایل کے ابتدائی میچز کھیلنے والے بعض غیر ملکی کرکٹرز اب بھارتی لیگ میں مصروف ہیں۔پی ایس ایل کے باقی میچز یکم سے 20 جون تک کراچی میں کھیلے جائیں گے۔

یہ بھی پڑھیں:پاکستان مخالف بیان بازی کرنیوالی کنگناکا اچانک یو ٹرن