بھارتی ناظم الامور کی دفتر خارجہ طلبی، پاکستان نے تحریری فیصلوں سے آگاہ کر دیا

(انور عباس)بھارتی ناظم الامور گیتکا سری واستو کو دفتر خارجہ طلب کیا گیا ہے جہاں پاکستان نے انہیں اپنے جوابی فیصلوں سے آگاہ کر دیا ہے۔سفارتی ذرائع کے مطابق دفتر خارجہ کی جانب سے بھارتی ناظم الامور گیتکا سری واستو کو طلب کیا تھا,بھارتی ناظم الامور تھوڑی دیر قبل دفتر خارجہ پہنچیں۔

پاکستان نے ایک ڈی مارش بھی بھارتی ناظم الامور کے حوالے کیا, دفتر خارجہ نے بھارتی ناظم الامور کو باضابطہ تحریری طور پر پاکستان کے فیصلوں سے آگاہ کر دیا۔

بھارتی ہائی کمیشن کے ڈیفنس, ائیر اور نیول اتاشی کو ناپسندیدہ قرار دینے کے فیصلے سے آگاہ کیا گیا،بھارتی ڈیفنس, نیول اور ائیر اتاشی و سپورٹنگ سٹاف کو پاکستان چھوڑنے کے فیصلے سے آگاہ کیا گیا۔

سفارتی ذرائع کے مطابق  پاکستانی بھارتی ناظم الامور کو سفارتی تعلقات نچلی سطح پر لانے کے فیصلوں سے بھی آگاہ کیا گیا,بھارتی ہائی کمیشن کے عملے کو 30 افراد تک محدود کرنے کے فیصلے سے بھی آگاہ کیا گیا۔

سکھ یاتریوں کے علاوہ تمام بھارتی شہریوں کو 48 گھنٹوں میں پاکستان چھورنے, واہگہ چیک پوسٹ بند کرنے کے فیصلے سے بھی آگاہ کیا گیا,پاکستان نے بھارت کو باضابطہ تمام بھارتی کمرشل پروازوں کے لیے فضائی حدود بند کرنے کے فیصلے سے بھی آگاہ کر دیا۔

سفارتی ذرائع کے مطابق بھارت کو سندھ طاس معاہدے کی یک طرفہ معطلی کے جواب میں شملہ و دیگر پاک بھارت معاہدے معبل کرنے کے امکانات سے بھی آگاہ کیا گیا۔

پاک بھارت تجارت بشمول بلواسطہ تجارت کی معطلی کے فیصلے سے بھی آگاہ کیا گیا, فیصلے نیشنل سیکیورٹی کمیٹی کے اجلاس میں سول و عسکری قیادت کی ہدایات کی روشی میں کیے گیے ہیں۔

یہ بھی پڑھیں :پاکستانی رینجرز نے بی ایس ایف اہلکار کو گرفتار کرلیا