جہلم: جی ٹی روڈ پر  شاہ زورڈالے کی موٹرسائیکل کو ٹکر ،تین افراد جاں بحق

(راجہ وقار)جہلم میں جی ٹی روڈ پر اٹھیاں کے قریب شاہ زورڈالے نے موٹرسائیکل کو ٹکر مار دی،حادثے میں موٹرسائیکل پر سوار تین افراد جاں بحق ہو گئے۔

ریسکیو ذرائع کے مطابق جاں بحق ہونے والوں میں 32سال کا عدنان،13سال کا ایان اور 12سالہ فیضان شامل ہے، تینوں افراد کی ڈیڈباڈیز کو ڈسٹرکٹ ہیڈکوارٹر ہسپتال منتقل کر دیا گیا۔جا ں بحق تینوں افراد کا تعلق ڈھوک پڈھال دینہ سے ہے۔