پشین،وزیراعظم کی بم دھماکہ کی مذمت، بچوں اور خاتون کی شہادت پر گہرے دکھ کا اظہار
کیپشن: فائل فوٹو
سورس: گوگل
Stay tuned with 24 News HD Android App
(24نیوز)وزیراعظم محمد شہباز شریف نے پشین میں پولیس لائنز کے قریب دھماکے کی شدید مذمت کرتے ہوئے کم سن بچوں اور خاتون کی شہادت پر گہرے دکھ اور رنج کا اظہار کیا، انہوں نے شہید بچوں اور خاتون کے لواحقین سے ہمدردی کا اظہار کیا۔
شہباز شریف نے واقعے میں زخمی ہونے والے پولیس اہلکاروں سمیت دیگر افراد کی صحت یابی کی دعا کی۔
وزیراعظم کا کہنا تھا کہ زخمی افراد کو بہترین طبی سہولیات کی فراہمی یقینی بنائی جائے، واقعے کے ذمہ داران کی نشاندہی کر کے انہیں قرار واقعی سزا دلوائی جائے، کم سن بچوں پر حملہ آور ہونے والے بزدل دہشتگرد انسان کہلانے کے لائق نہیں۔
شہباز شریف نے کہا کہ ملک سے دہشتگردی کے عفریت کے خاتمے تک جنگ جاری رکھیں گے۔