لاہور :بزنس مین کو ہنی ٹریپ کرنے کا ماسٹر مائنڈ ڈپٹی اٹارنی جنرل نکلا 

(وقاص احمد )صوبائی دارالحکومت لاہور میں بزنس مین کو ہنی ٹریپ کرنے کے واقعہ کا ماسٹر مائنڈ  ڈپٹی اٹارنی جنرل  نکلا ، پولیس نے گرفتاری کے بعد نامعلوم مقام پر منتقل کر دیا ۔

 تفصیلات کے مطابق  لاہور میں کاروباری شخصیت کوہنی ٹریپ کرکے ویڈیو بنانے والا ماسٹر مائنڈ ڈپٹی اٹارنی جنرل پاکستان نکلا ،گلبرگ پولیس نے جاوید قصوری کو گرفتار کر لیا ،جاوید قصوری کو ہائی کورٹ سے گھر جاتے راستے میں گرفتار کیا گیا،جاوید قصوری اور 2 خواتین کے خلاف ہنی ٹریپ کا  مقدمہ گلبرگ میں درج ہے۔

ایف آئی آر  میں کہا گیا ہے کہ 2خواتین نے سہیل محمود  کو ٹریپ کرکے گلبرگ کے ہوٹل میں بلایا ،ہنی ٹریپ کا شکار بزنس مین خواتین سے ملنے پہنچا تو محمد جاوید قصوری نے کمرے میں داخل ہوکر نازیبا ویڈیوز بنالیں ، ملزمان نے متاثرہ شخص کی گاڑی اور پرس چھین لیا ،ملزمان ویڈیو ڈیلیٹ کرنے کے عوض تیس لاکھ روپے تاوان مانگتے رہے ،خواتین کو گرفتار کرکے تیسرے ساتھی جاوید قصوری کی نشاندہی کی گئی ،پولیس نے ہوٹل سے سی سی ٹی وی فوٹیج اور دیگر شواہد اکٹھے کر لئے،پولیس نے جاوید قصوری اور خاتون کو تفتیش کے لیے نامعلوم مقام پر منتقل کر دیا۔