ٹیم مینجمنٹ عماد سے بھی عامر جیسا سلوک کر رہی ہے،راشد لطیف

(24نیوز) سابق کپتان راشد لطیف نے کہا ہے کہ پاکستان ٹیم مینجمنٹ عماد وسیم سے بھی محمد عامر جیسا سلوک روا رکھے ہوئے ہے۔

تفصیلات کے مطابق  اپنے یوٹیوب چینل پر راشد لطیف نے کہاکہ ٹیم مینجمنٹ نے نیوزی لینڈ سے تیسرے ٹوئنٹی 20 میں عماد کو نہ کھلا کر ان کے اعتماد کو متاثر کیا ہےعماد کا ٹیم میں کوئی بھی متبادل نہیں۔ دوسرے ٹی 20 میں بھی سب سے آخر میں ہی عماد کو گیند تھمائی گئی تھی۔ بیٹنگ میں بھی انہیں فہیم اشرف سے بھی نیچے بھیجا گیا انہیں عزت دینا چاہیے اس لئے نہیں کہ وہ سینئر پلیئر ہیں بلکہ اچھا پرفارم کرچکے ہیں۔ انہیں ویسا احترام نہیں مل رہا جس کے وہ حقدار ہیں۔انہوں نے کہا کہ اگر ٹیم مینجمنٹ ان کے ساتھ ایسا سلوک کرے گی تو اس سے دوسرا عامر ہی تیار ہوگا۔