مریم نواز کا بوریا بستر گول، اپوزیشن کی حالت پتلی ،فردوس عاشق

(24نیوز)وزیر اعلیٰ کی معاون خصوصی فردوس عاشق اعوان کا کہنا ہے کہ ن لیگ سے مریم نواز کا بوریا بستر گول ہو چکا ہے۔ کورونا کی حالت تشویشناک اور اپوزیشن کی حالت پتلی ہے۔

تفصیلات کے مطابق لاہور میں کرسمس کی تقریب سے خطاب کرتے ہوئے فردوس عاشق اعوان کا کہنا تھا کہ اقلیتوں کا ذکر کئے بغیر پاکستان مکمل نہیں ہوتا۔ پی ٹی آئی کی حکومت اقلیتوں کو یکساں حقوق دینے کے لئےکوشاں ہے۔ لاک ڈاؤن کی مشکل صورتحال کے باوجود ہم نے معیشت میں مثبت اشاریے حاصل  کئے ہیں تاہم مہنگائی کا جن بوتل میں بند کئےبغیر کامیاب نہیں ہو سکتے۔

 اپوزیشن کو تنقید کا نشانہ بناتے ہوئے وزیر اعلیٰ پنجاب کی معاون خصوصی کا کہنا ہے کہ اپوزیشن کو دعوت دیں گے کہ ہم سے مل کر کرپشن کے خاتمے کا کیک کاٹے۔ آصف زرداری نے سینٹ الیکشن سے قبل استعفے نہ دینے کا کہا ہے جس سے پی ڈی ایم کو لینے کے دینے پڑ جائیں گے۔