ڈئینیل پرل قتل کیس:  4 ملزموں کی نظر بندی  کا نوٹیفکیشن  کالعدم

(24 نیوز) سندھ ہائیکورٹ نے امریکی صحافی ڈئینیل پرل قتل کیس میں احمد عمر شیخ سمیت 4 ملزمان کی نظر بندی کا نوٹیفکیشن کالعدم قرار دے دیا۔ عدالت نے ملزمان کو رہا کرنے اور نام ای سی ایل میں شامل کرنے کا حکم دے دیا۔

 تفصیلات کے مطابق سندھ ہائیکورٹ میں بریت کے باوجود ملزمان کی نظر بندی کیخلاف درخواست پر سماعت ہوئی۔ عدالت نے حکم دیا کہ ملزمان بغیر کسی جرم کے 18 سال سے جیل میں ہیں، ملزمان کو جب عدالت طلب کرے گی تو پیش ہوں۔ اسسٹنٹ اٹارنی جنرل نے عدالت کو بتایا کہ ملزمان کی نظر بندی کا اختیار صوبائی حکومت کا ہے۔خیال رہے محکمہ داخلہ نے 28 ستمبر کو ملزمان کو نظر بند کیا تھا۔