ایشین ٹائیگر بنتے پاکستان کو تباہ کر دیا گیا، رانا ثنا اللہ

(24 نیوز)یہ ملک ووٹ کی طاقت سے بنا ، لیکن اسے بندوق اور بوٹ کی طاقت سے چلایا گیا۔ ایوب ، یحی ،ضیااور پرویز مشرف کا دور اس کی مثال ہیں۔

تفصیلات کے مطابق مسلم لیگ ن پنجاب کے صدر رانا ثنا اللہ نے کہا ہے کہ ووٹ کے فیصلے کو تسلیم نہیں کیا گیا تو پاکستان مسائل کا شکار ہے۔ نا اہل حکمرانوں کا ٹولہ ملک پر مسلط کیا گیا۔ ووٹ کو عزت دو کا مطلب ہمیں ووٹ دینا نہیں۔ ملک ووٹ کی طاقت سے چلتا تو ترقی کرتا۔لیگی رہنما کا کہنا تھا کہ قائد اعظم کو ووٹ پڑے تو پاکستان بنا۔ ہمارے کارکن قائد اعظم کی گاڑی کے ساتھ میلوں چلتے تھے۔
رانا ثنا اللہ کا کہنا تھا کہ میاں برادران نے ملک کو ترقی کی راہ پر گامزن کیا۔ ایک وزیر اعظم کو کو صرف تنخواہ نہ لینے پر نااہل قرار دے دیا۔ ووٹ کے فیصلوں کو تسلیم نہیں کرے گے تو ملک کے حالات ایسے ہی رہے گے۔ ووٹ کو عزت دینے کے لیے پی ڈی ایم اکٹھی ہوئی ہے۔ انہوں نے مزید کہا کہ پنجاب کی پہلی ریلی تین جنوری کو نکلے گی۔ مریم نواز ، فضل الرحمان اور بلاول بھٹو بھی اس ریلی میں شرکت کرے گے۔ ہماری ریلی کا روٹ کارکنان کے ساتھ ساتھ عام عوام کے لئے بھی ہو گا۔
لیگی رہنما نے کہا کہ نواز شریف نے امریکی صدر کے 5 فون کے مقابلے میں 6 ایٹمی دھماکے کئے ایٹمی قوت نہ ہوتے تو ہر کوئی ہم پر حملہ آور ہوتا۔ ملک کو ایٹمی قوت بنانے کا کریڈٹ بھٹو شہید کو دیتے ہیں ، رانا ثنا ایشین ٹائیگر بنتے پاکستان کو تباہ کر دیا گیا۔1998 میں کسی نے خودکش دھماکوں اور لوڈ شیڈنگ کا نام نہیں سنا تھا۔ جب ہم نے ایٹمی دھماکے کئے تو پوری دنیا ہمارے خلاف تھی۔ ایران کے ساتھ جو سلوک ہو رہا ہے وہی ہمارا ہونا تھا۔