دھندکے باعث درجن سے زائد گاڑیاں ٹکرا گئیں،خاتون سمیت3 افراد جاں بحق

(24نیوز)شرقپور انٹرچینج پر دھند کے باعث درجن سے زائد گاڑیاں آپس میں ٹکرا گئیں،حادثے میں خاتون سمیت 3 افراد جاں بحق ہو گئے۔
تفصیلات کے مطابق حادثہ شیخوپورہ کے علاقے شرقپور انٹرچینج سے تین کلومیٹر دور لاہور سے ملتان کی طرف جاتے ہوئے پیش آیا،حادثے کی اطلاع ملتے ہی ریسکیو ٹیمیں جائے حادثہ پر پہنچ گئیں اور زخمیوں کو طبی امداد کیلئے تحصیل ہیڈ کوارٹر ہسپتال شرق پور منتقل کر دیا۔ جاں بحق ہونے والوں کی شناخت خالد ، انصر اور افشاں بی بی کے نام سے ہوئی ہے، حادثے کے بعد دھند کی وجہ سے موٹروے کو ٹریفک کے لیے بند کر دیا گیا۔