(مانیٹرنگ ڈیسک)کراچی کے علاقے محمود آباد نالے میں بھی دھماکا ہو گیا، اطلاعات کے مطابق دھماکہ نالے میں گیس بھرنے کے باعث ہوا۔
تفصیلات کے مطابق محمود آباد کے نالے میں گیس بھر جانے سے دھماکےہو گیا جس میں 3 افراد کے زخمی ہونے کی اطلاعات ہیں،ایس ایس پی ایسٹ قمر رضا نے بھی تصدیق کی کہ محمود آباد نالے میں دھماکا گیس بھرنے کے باعث ہوا۔
پولیس کے مطابق دھماکے کے باعث سڑک کے دوسری طرف موجود دکان متاثر ہوئی اور دکان پر موجود تین افراد زخمی ہوگئے۔معمولی نوعیت کے دھماکے کے بعد پولیس کی نفری پہنچ گئی، دھماکے میں زخمی ہونے والے تینوں افراد کو معمولی چوٹیں آئیں جنہیں طبی امداد کے بعد گھر بھیج دیا گیا۔
یاد رہے کہ چند روز قبل شیرشاہ میں بھی پراچا چوک کے قریب نالے میں گیس بھر جانے سے ہونے والے دھماکے میں 17 افراد جاں بحق اور متعدد زخمی ہو گئے تھے۔ دھماکے کے باعث نالے پر بنی نجی بینک کی عمارت مکمل طور پر تباہ ہو گئی تھی جبکہ دیگر قریبی عمارتوں کو بھی نقصان پہنچا تھا۔
یہ بھی پڑھیں: مالاکنڈ اور گردو نواح میں زلزلہ۔شہریوں میں خوف وہراس پھیل گیا