نوجوان بلے باز صائم ایوب کا پرانا انٹرویو وائرل
Stay tuned with 24 News HD Android App
(ویب ڈیسک) قومی کرکٹ ٹیم کے ابھرتے ہوئے بلے باز صائم ایوب کا ایک پرانا ویڈیو کلپ وائرل ہورہا ہے۔
جنوبی افریقا کے خلاف ون ڈے سیریز کے3 میچز میں2سنچریوں کی مدد سے 253 رنز بنانے اور 2 وکٹیں لینے پر صائم ایوب کو مین آف دی سیریز اور گزشتہ روز کے مقابلے کا بہترین کھلاڑی قرار دیا گیا ہے،صائم ایوب نے گزشتہ روز جوہانسبرگ میں ہونے والے میچ میں 94 گیندوں پر 101 رنز کی شاندار بیٹنگ کی جبکہ 10 اوورز میں 34 رنز دے کر ایک وکٹ بھی حاصل کی تھی۔
صائم اس سے قبل انڈر 15 ورلڈکپ میں بھی شاندار بیٹنگ کرچکے ہیں اور انہوں نے 5میچز میں 250 رنز سکور کیے تھے،صائم ایوب کی شاندار بیٹنگ کی بدولت پاکستان نے انڈر 15 ٹورنامنٹ میں بھارت کو شکست دی تھی جس پر بلے باز نے دو پلیئر آف دی میچ کے ایوارڈ جیتے تھے۔
قومی ٹیم کے سابق کھلاڑی اور کوچ اعجاز اسلم نے صائم ایوب کے حوالے سے پیش گوئی کی تھی کہ وہ مستقبل میں ایک شاندار بلے باز ثابت ہوں گے اور اُن کی صورت میں پاکستان کو اچھا کھلاڑی میسر آئے گا۔
صائم ایوب نے یوم آزادی کی مناسبت سے سجائے گئے ایک پروگرام میں شرکت کی اور ٹورنامنٹ کے حوالے سے مختصر گفتگو بھی کی تھی۔
یہ بھی پڑھیں : ویسٹ انڈیز نے دورہ پاکستان کیلئے اسکواڈ کا اعلان کردیا