(شہزاد خان)کرسمس اور نیو ائیر کے موقع پر برائلر مافیا بے لگام،برائلر مرغی کاگوشت482روپے کلو میں فروخت ،شہرکےمتعددعلاقوں میں برائلرکی سیل متاثر ہونے لگی۔
تفصیلات کے مطابق کرسمس اور نیو ائیر کے موقع پر برائلر مافیا بے لگام ہو گیا،برائلر مرغی کاگوشت482روپے کلو میں فروخت ہو نے لگا جبکہ شہرکےمتعددعلاقوں میں برائلرکی سیل متاثر ہونے لگی۔
سرکاری نرخنامے میں آج مرغی کے گوشت کی قیمت میں پھر 7 روپے کا اضافہ ہو گیا جس کے بعد مر غی کا گو شت 482 روپے کلو ہو گیا، گزشتہ روز گوشت 475 روپے کلو تھا۔
زندہ برائلر مرغی کی قیمت میں بھی مزید پانچ روپے کا اضافہ ہوا ہے جس کے بعد زندہ برائلر کا تھوک ریٹ 319 روپے کلو جبکہ زندہ برائلر کا پرچون ریٹ 333 روپے کلو ہو گیا ہے۔
سرکاری نرخنامے میں انڈوں کی قیمت میں مزید ایک روپے کا اضافہ ہو گیا ہے گزشتہ روز بھی قیمت ایک روپے بڑھی تھی، انڈوں کی فی درجن قیمت 327 روپے ہو گئی ہے۔
ملتان میں برائلر مرغی کا تھوک ریٹ 309 روپے کلو، پرچون ریٹ 323 روپے کلو، برائلر گوشت کا فی کلو ریٹ 465 روپے ہے، انڈوں کی فی درجن قیمت 324 روپے کی سطح پر برقرار ہے۔