بھارتی گلوکار کے گھر میں آگ، خاتون جھلس کر شدید زخمی

(ویب ڈیسک) بالی ووڈ کے معروف گلوکار شان کی رہائشی عمارت میں آگ لگنے کا واقعہ پیش آیا ہے جس کی زد میں آکر ایک 80 سالہ خاتون کو شدید جھلس گئی۔

بھارتی میڈیا کے مطابق متاثرہ خاتون کو فوری طور پر اسپتال منتقل کیا گیا ہے تاہم اس کی حالت نازک بتائی جا رہی ہے۔

یہ واقعہ ممبئی کے علاقے باندرہ ویسٹ میں واقع فارچیون انکلیو کی ساتویں منزل پر پیش آیا ہے جبکہ گلوکار شان 11ویں منزل پر مقیم ہیں۔

بھارتی میڈیا کے مطابق گلوکار شان نے اس حادثے پر بیان دیتے ہوئے کہا کہ آگ عمارت کی ساتویں منزل پر لگی مگر میں اور میرے اہل خانہ 15ویں منزل پر جا کر محفوظ رہے اور ریسکیو عملے کا انتظار کیا اور کہا ہم سب بالکل محفوظ ہیں۔

 آگ لگنے کی ممکنہ وجہ شارٹ سرکٹ کو قرار دیا جا رہا ہے تاہم اس کی تصدیق نہیں ہو سکی جبکہ آگ پر قابو پالیا گیا ہے،جبکہ فائیر بریگیڈ کی جانب سے بلڈنگ میں کولنگ کا عمل جاری ہے۔

مزید پڑھیں:پاکستانی اداکارہ سائرہ یوسف کی سپر اسٹور میں چوری کرتے ویڈیو وائرل