2025کیلئےبابا وانگا کی پیشگوئیاں؛ عالمی جنگ، خلائی مخلوق سے ملاقات، اور طبی انقلاب کا امکان

  (ویب ڈیسک) 2024 اختتام کی جانب گامزن ہے، دنیا کی توجہ بلغاریہ کی بابا وانگا کی پراسرار پیشگوئیوں کی طرف مبذول ہو رہی ہے، جو اپنی غیر معمولی بصیرت کی وجہ سے مشہور ہیں۔

بابا وانگا، جو 1996 میں وفات پا چکی تھیں، کی پیشگوئیاں آنے والے صدیوں تک کے حالات پر محیط ہیں اور آج بھی لوگوں کے دلوں میں تجسس اور بحث کا باعث بنتی ہیں۔

 بابا وانگا کی 2025 کے لیے پیشگوئیاں خوفناک وارننگز اور امید افزا ترقیات کا مجموعہ ہیں۔

1)تیسری عالمی جنگ کا خطرہ

بابا وانگا نے تیسری عالمی جنگ کی پیشگوئی کی ہے جس کا آغاز چین اور امریکہ جیسے بڑے ممالک کے درمیان بڑھتی ہوئی کشیدگی سے ہو سکتا ہے،ان کے مطابق یورپ بھی ایک بڑے تنازعے کا شکار ہو سکتا ہے جس کے نتیجے میں وسیع پیمانے پر تباہی کا سامنا کرنا پڑ سکتا ہے۔

انہوں نے خبردار کیا کہ ان جنگوں کے سنگین نتائج عالمی آبادی میں نمایاں کمی کا سبب بن سکتے ہیں اور وہ "دنیا کے خاتمے" کی طرف بڑھنے والے واقعات کی شروعات ہو سکتی ہیں۔

2)کھیلوں کے ایونٹ کے دوران خلائی مخلوق سے ملاقات

2025 کے لیے ایک دلچسپ پیشگوئی یہ ہے کہ انسانیت کو پہلی بار خلائی مخلوق سے ملاقات کا موقع ملے گا، بابا وانگا نے کہا کہ یہ تاریخی واقعہ کسی بڑے کھیلوں کے ایونٹ کے دوران ہوگا جس سے شکوک پیدا ہوتے ہیں کہ یہ سپر باؤل یا ومبلڈن جیسے عالمی مقابلوں میں ہو سکتا ہے۔

3)طبی میدان میں انقلاب

بابا وانگا نے صحت کے شعبے میں نمایاں ترقی کی پیشگوئی کی ہے،ان کا کہنا تھا کہ سائنسدان لیبارٹری میں تیار کردہ انسانی اعضا تیار کرنے میں کامیاب ہو جائیں گے جو ٹرانسپلانٹس میں انقلاب برپا کر دیں گے،مزید یہ کہ  انہوں نے کینسر کے علاج میں بڑی پیشرفت کی نشاندہی کی، کچھ کا کہنا ہے کہ انہوں نے کینسر کے علاج کا اشارہ دیا ہو سکتا ہے۔

2024 کی پیشگوئیوں کا جائزہ

بابا وانگا کی 2024 کی پیشگوئیاں عالمی سطح پر زیر بحث رہیں لیکن ان میں سے کچھ مکمل طور پر سامنے نہیں آئیں یا عوامی طور پر ظاہر نہیں ہو سکیں۔

پیوٹن پر قاتلانہ حملہ: انہوں نے روسی صدر ولادیمیر پیوٹن پر اندرونی حملے کی پیشگوئی کی تھی لیکن ایسے کسی واقعے کی تصدیق نہیں ہوئی۔

حیاتیاتی اور دہشت گرد حملے: انہوں نے ایک بڑے ملک کے حیاتیاتی ہتھیاروں کی آزمائش اور یورپ میں دہشت گرد سرگرمیوں میں اضافے کی پیشگوئی کی تھی  تاہم 2024 میں ایسے واقعات کی کوئی بڑی رپورٹ سامنے نہیں آئی۔

معاشی بحران: انہوں نے بڑھتے ہوئے قرضوں اور جغرافیائی سیاسی کشیدگی کے باعث ایک شدید معاشی بحران کی پیشگوئی کی تھی، مالی بے یقینی کے باوجود، عالمی سطح پر مکمل بحران نہیں آیا۔

شدید موسمی حالات: بابا وانگا کی شدید موسمی حالات کی پیشگوئی درست ثابت ہوئی، جہاں دنیا کے مختلف حصے ریکارڈ توڑ گرمی، بارشوں اور طوفانی ہواؤں کا سامنا کرتے رہے۔

یہ بھی پڑھیں: سوات اور گردونواح میں دوسرے روز بھی زلزلے کے جھٹکے