پاک فضائیہ کا 27 فروری کی مناسبت سے ملی نغمے کا ٹیزر جاری

(24نیوز) پاک فضائیہ کے شعبہ تعلقات عامہ نے آپریشن سوفٹ ریٹارٹ کی مناسبت سے ملی نغمے کاٹیزر جاری کیا ہے، ٹیزر میں اس عہد کی تجدید کی گئی ہے کہ پاک فضائیہ کا ہر فرد پاکستان کی حفاظت کے لیے ہمہ وقت تیار ہے۔

تفصیلات کے مطابق پاک فضائیہ کے ترجمان کی جانب سے جاری بیان میں کہا گیا ہے کہ پاک فضائیہ آپریشن سوفٹ ریٹارٹ کی مناسبت سےملی نغمہ پیش کرےگی، ملی نغمہ25 فروری کو تمام ٹی وی چینلز پر نشر کیا جائے گا۔ترجمان پاک فضائیہ کا کہنا تھا کہ اس حوالے سے پاک فضائیہ کے شعبہ تعلقات عامہ نے اس ملی نغمے کا ایک ٹیزر جاری کیا ہے جس میں جذبہ حب الوطنی کو اجاگر کیا گیا ہے اور اس عہد کی تجدید کی گئی ہے کہ پاک فضائیہ کا ہر فرد پاکستان کی حفاظت کے لئے ہمہ وقت تیار ہے۔

واضح رہے 27 فروری کو پاکستانی شاہینوں نے جوابی کارروائی میں دو بھارتی مگ 21 طیارے مار گرائے تھے اور بھارتی پائلٹ کو بھی گرفتار کرلیا تھا، بعد ازاں جذبہ خیر سگالی کے تحت گرفتار پائلٹ کو بھارت کے حوالے کر دیا تھا۔جس کے بعد مودی سرکار، بھارتی فوج اور بھارتی میڈیا ڈھٹائی سے لائن آف کنٹرول پر پاکستانی ایف سولہ طیارہ مار گرانے کا دعویٰ کرتے رہے تھے۔

بھارت نےڈی جی آئی ایس پی آر میجرجنرل آصف غفور نے بھی ایف 16طیارہ گرانے کا بھارتی دعویٰ مسترد کرتے ہوئے کہا تھا بھارتی طیارے گرانے کی کارروائی میں جے ایف17 تھنڈراستعمال کیا گیا۔