جنرل ندیم رضا کا دورہ ، اماراتی افواج کے سربراہوں سے ملاقاتیں
Stay tuned with 24 News HD Android App
(24 نیوز)چیئرمین جوائنٹ چیفس آف سٹاف کمیٹی جنرل ندیم رضا نے 2 روزہ متحدہ عرب امارات کا دورہ کیا۔
پاک فوج کے تعلقات عامہ کے شعبے آئی ایس پی آر کے مطابق جنرل ندیم نے اماراتی افواج کے چیف آف سٹاف لیفٹیننٹ جنرل حماد محمد سے ملاقات کی،چیئرمین جوائنٹ چیف آف سٹاف کمیٹی نے اماراتی تینوں مسلح افواج کے سربراہان سے بھی ملاقاتیں کی۔
آئی ایس پی آر کے مطابق ملاقات کے دوران سکیورٹی، انسداد دہشتگردی کے شعبوں میں تعاون پر گفتگوہوئی، اس کے علاوہ مسئلہ کشمیر اورافغانستان سمیت علاقائی صورتحال پر بھی تبادلہ خیال کیا گیا،دونوں ممالک کے مابین فوجی اور دفاعی رابطوں میں وسعت پر بھی بات چیت ہوئی۔
آئی ایس پی آر کے مطابق جنرل ندیم رضا نے ابوظہبی میں آئیڈیکس اورنیوڈیکس دفاعی نمائش کا بھی دورہ کیا،جنرل ندیم نے دفاعی نمائش میں پاکستانی سٹالزاور بحریہ کے جہازوں کا دورہ کیا،جنرل ندیم نے پاکستان کے مقامی سطح پر تیار کردہ دفاعی آلات کی تعریف کی،جنرل ندیم رضا نمائش کے دوران اطالوی چیف آف ڈیفنس سے بھی ملے ۔