کل موسم کیسا رہیگا؟

(24 نیوز) اسلام آباد میں کل مطلع جزوی ابر آلود رہے گا، صبح اوررات میں بوندا باندی اورہلکی بارش کی توقع ہے۔ پنجاب کے بیشتر علاقوں میں کل موسم سرد اور خشک رہے گا۔

محکمہ موسمیات کے مطابق خیبرپختونخوا کے بیشتر اضلاع میں کل مطلع ابرآلود رہنے کی توقع ہے، دیر، چترال، کوہستان، مالاکنڈ، مردان، بونیر، پشاور، کرم، بنوں، وزیرستان، سوات، ہری پور، ایبٹ آباد اور مانسہرہ میں بارش اور پہاڑوں پر برفباری کی توقع ہے۔
سندھ کے بیشتر علاقوں میں کل موسم خشک رہے گا، بلوچستان کے بیشتر علاقوں میں کل موسم سرد اور خشک رہے گا، کوئٹہ، ژوب اور گردونواح میں شام یا رات میں ہلکی بارش کی توقع ہے۔ کشمیر اور گلگت بلتستان میں کل مطلع ابرآلود رہنے کے ساتھ بارش اور پہاڑوں پر برفباری کی توقع ہے۔
 آج ریکارڈکئے گئے کم سے کم درجہ حرارت کے مطابق لہہ منفی 06، پاراچنار اور کالام میں منفی02 ڈگری سینٹی گریڈ، اسلام آباد 10، لاہور 12، کراچی 21 ڈگری سینٹی گریڈ ،پشاور 11، کوئٹہ 05، گلگت 04 ڈگری سینٹی گریڈ، مظفر آباد 09، مری 06 ڈگری سینٹی گریڈ ، فیصل آباد 14، ملتان 13 ڈگری سینٹی گریڈ ہے۔