خاتون کی آنکھ میں زندہ مکھیاں کہاں سے آئیں؟حیران کن انکشاف

 (ویب ڈیسک) بھارت کے ایک ہسپتال میں ماہر ڈاکٹرز کی ٹیم نے پیچیدہ آپریشن کے ذریعے امریکی خاتون کی آنکھ سے 3 زندہ مکھیاں نکال لیں۔

بھارتی میڈیا رپورٹ کے مطابق نجی اسپتال میں امریکی خاتون ایک آنکھ کی پلکوں میں نمی، سوجن اور سرخ ہونے کی شکایت کے ساتھ ایمرجنسی وارڈ میں آئیں، خاتون نے یہ بھی بتایا کہ چند ہفتوں سے انھیں آنکھ کے اندر کوئی چیز چلتی ہوئی محسوس ہوتی ہے۔

ڈاکٹرز نے ضروری ٹیسٹ کے بعد خاتون کو ٹشو انفیکشن بتایا جسے مایاسس کہا جاتا ہے اور یہ ایک نادر قسم کا انفیکشن ہوتا ہے۔ خاتون حال ہی میں ایمیزون کے جنگلات میں رہ کر آئی تھیں اور عین ممکن ہے یہ تکلیف وہیں سے ساتھ لگی۔

  دہلی کے نجی اسپتال میں ماہر ڈاکٹرز کی ٹیم نے 32 سالہ خاتون کی آنکھ کا کامیابی سے آپریشن کیا جس کے دوران ان کی ایک آنکھ کے 2 سینٹی میٹر حصے سے تین زندہ مکھیاں نکلیں۔ امریکی خاتون آپریشن کے بعد تیزی سے روبہ صحت ہیں۔

یہ بھی پڑھیں:    بلی کو پکڑنے کی کوشش ڈاکٹر کو مہنگی پڑ گئی،ویڈیو وائرل