عمران خان واحد سابق وزیراعظم ہیں جن کا جیل ٹرائل ہو رہا ہے، عمر ایوب

(24نیوز)پی ٹی آئی رہنما عمر ایوب نے کہا ہے کہ چیف جسٹس نے بطور اپوزیشن لیڈر بلایا تھا، بانی پی ٹی عمران خان سے جب میری ملاقات ہوئی تو وہاں میں نے 3بار ان سے پوچھا تھا،اس وقت میرے ساتھ بیرسٹر علی ظفر اور شبلی فراز بھی موجود تھے،بانی پی ٹی آئی نے ہمیں کہا کہ ہم چیف جسٹس سے ملاقات کرلیں۔

 عمرایوب کاکہناتھا کہ ہم نے اپنا ایجنڈا چیف جسٹس کو بھیجا تھا، ہیومن رائٹس، جوڈیشل ریفارمز کی بات تھی،ہم نے چیف جسٹس سے کہاکہ بانی و اہلیہ جیل میں ہیں،چیف جسٹس کو بتایا کہ بانی و اہلیہ کے حقوق کو جان بوجھ کر سلب کیا گیا،اپوزیشن لیڈر کاکہناتھا کہ  اس وقت جو حالات لوئر جوڈیشری میں ہیں تو آگے جا کے کیا ہوگا، بانی پی ٹی آئی واحد سابق وزیراعظم ہیں جن کا ٹرائل جیل میں ہورہا ہے،چیف جسٹس کو بتایا ہمارے کارکنان کیساتھ پولیس گردی ہو رہی ہے،پنجاب، اسلام آباد، سندھ اور بلوچستان میں پی ٹی آئی رہنماؤں کو تنگ کیا جارہا ہے۔