پاکستانی بچے کا جسپریت بمرا جیسا سٹائل،میکسویل کو 2 مرتبہ آؤ ٹ کر دیا

(  24 نیوز )پاکستان کے 11 سالہ بچے احمد رضا کا بولنگ سٹائل بھارت کے فاسٹ بولر جسپریت بمرا جیسا ہے جس کی ویڈیو سوشل میڈیا پر بھی خوب وائرل ہو رہی ہے۔

بھارتی فاسٹ بولر جسپریت بمرا کی طرح کے بولنگ سٹائل والے احمد رضا نے پریکٹس کے دوران آسٹریلیا کے گلین میکسویل کو 2 مرتبہ بھی آؤٹ کیا۔

احمد رضا کو آئی سی سی کی کرکٹ فارگڈ ایکٹیویٹی میں بولنگ کا موقع ملا، آسٹریلوی ٹیم نے احمد رضا کے گلین میکسویل کو بولنگ کرانے کی ویڈیو بھی اپ لوڈ کی۔

مزید پڑھیں:روہت شرما نے سچن ٹنڈولکر کا ریکارڈ توڑ دیا
 اس حوالے سے احمد رضا نے کہا ہے کہ مجھے جسپریت بمرا کا منفرد اسٹائل اچھا لگتا ہے، مجھے بہت خوشی ہوئی کہ میں نے آسٹریلوی ٹیم کو بولنگ کروائی۔

انہوں نے کہا کہ گلین میکسویل میرے پسندیدہ بیٹر ہیں، میں نے انہیں بولنگ کروائی اور دو مرتبہ آؤٹ کیا، میکسویل کو ایک مرتبہ بولڈ کیا اور ایک مرتبہ کیچ آؤٹ کرایا۔

احمد رضا کا کہنا ہے کہ میسکویل سے شرٹ اور کیپ پر آٹو گراف بھی لیا ہے، کوشش ہے محنت کر کے آگے بڑھتا رہوں اور بمرا کے اسٹائل میں بولنگ کروں۔