ٹماٹر کی درآمد بند نہ ہونے پر کسان دلبرداشتہ، تیار فصل تباہ کر دی

(24نیوز)حکومت کی جانب سے ٹماٹر کی درآمد کا سلسلہ بند نہ کیے جانے پر حیدرآباد میں مقامی ٹماٹر کی قیمت کوڑیوں کے مول رہ گئی۔ آبادگاروں نے دلبرداشتہ ہو کر اپنی تیار فصل پر ہل چلا دیا۔
تفصیلا ت کے مطا بق سندھ آبادگار بورڈکا کہنا ہے کہ وفاقی حکومت کو ڈیڑھ ماہ قبل ہی موجودہ صورتحال سے خط لکھ کرآگاہ کر دیا تھا لیکن اس کے باوجود حکومت کی جانب سے درآمد کا سلسلہ بند نہیں کیا گیا۔درآمد بند نہ ہونے کی وجہ سے مقامی ٹماٹر کے ریٹ بہت کم ہو گئے ہیں اور آبادگاروں سے ٹماٹر اس وقت بھی 11 سے 15 روپے فی کلو میں خریدا جارہا ہے اور مزید کم ہو کر 5 روپے تک پہنچ جانے کا امکان ہے جس کے سبب آباگاروں کا فصل پر آنے والا خرچ تک پورا نہیں ہو سکے گا۔