بھارتی کرکٹر کے ایل راہول کی شادی، تصاویر سوشل میڈیا پر وائرل

Jan 24, 2023 | 12:13:PM
فائل فوٹو
کیپشن: بھارتی کرکٹر کے ایل راہول شادی کے بندھن میں بندھ گئے
سورس: انسٹاگرام
Stay tuned with 24 News HD Android App
Get it on Google Play

(ویب ڈیسک )بھارتی کرکٹر کے ایل راہول بالی وڈ اداکار سنیل شیٹی کی بیٹی اتھیا شیٹی کیساتھ شادی کے بندھن میں بندھ گئے۔بھارتی میڈیا کے مطابق ہفتے کے روز شادی میں شرکت کیلئے آنے والے مہمانوں کیلئے کاک ٹیل نائٹ کا اہتمام کیا گیا تھا جب کہ گزشتہ شب اتھیا اور کے ایل راہول کی سنگیت کی تقریب ہوئی جس میں دونوں کے خاندانوں سمیت دوستوں نے شرکت کی تھی۔

دونوں نے پیر 23 جنوری کو کھنڈالہ میں سات پھیرے لئے۔ اس موقع پر کھنڈالہ فارم ہاؤس کے باہر سنیل شیٹی اور آہان شیٹی کی جانب سے مٹھائیاں بھی تقسیم کی گئیں۔

اتھیا شیٹی نے انسٹاگرام پر کے ایل راہول کے ساتھ تصاویر بھی شئیر کی ہیں۔

سنیل شیٹی نے صحافیوں کا منہ میٹھا کرانے کے ساتھ ان سے بات چیت بھی کی۔

شادی کی تقریب کے حوالے سے سنیل شیٹی کا کہنا تھا کہ سب بہت اچھا رہا۔ شادی باضابطہ طور پر ہو چکی ہے اور میں سسر بھی بن چکا ہوں۔ سسر کا چکر ختم ہوجائے اور صرف والد رہوں تو بہت اچھا ہے کیونکہ یہ رول میں بہت اچھے سے نبھاتا ہوں۔اس موقع پر اتھیا کے بھائی آہان شیٹی کی طرف سے مٹھائی بھی تقسیم کی گئیں۔

شادی کے لیے سنیل اور آہان دونوں روایتی لباس میں ملبوس نظر آئے۔ سنیل شیٹی ایک روایتی ہلکے بھوری رنگ کی دھوتی اور گلے میں لمبے ہار کے ساتھ جبکہ آہان سفید شیروانی میں ملبوس دکھائی دیے۔

اس کے علاوہ نئی شادی شدہ جوڑی کی تصاویر اور ویڈیو سوشل میڈیا پر گردش کرتی دکھائی دے رہی ہیں۔

یہ بھی پڑھیں:معروف بھارتی کرکٹر کی شادی میں مہمانوں کیلئے ایک خاص شرط

شادی کی تقریبات کے لیے سنیل شیٹی کے کھنڈالہ فارم ہاوس کو روشنیوں سے سجایا گیا تھا جہاں مہمانوں نے روایت لباس میں شادی کا جشن منایا۔اداکارہ اتھیا شیٹی کو پچھلے سال ان کی سالگرہ کے موقع پر کرکٹر کے ایل راہول نے شادی کی پیش کش کی تھی۔

دیگر کیٹیگریز: ٹاپکس - لائف سٹائل
ٹیگز:

متعلقہ خبریں