انضمام الحق کے بیٹے رشتہ ازدواج میں منسلک
Stay tuned with 24 News HD Android App
(24 نیوز )پاکستان کرکٹ ٹیم کے سابق کپتان انضمام الحق کے گھر شادی کی شہنائیاں بج گئیں۔
پی سی بی کے سابق چیف سلیکٹر کے بیٹے و کرکٹر ابتسام الحق رشتۂ ازدواج میں منسلک ہو گئے۔
ان کے نکاح کی خوبصورت تصاویر اور ویڈیو سوشل میڈیا کی زینت بن گئیں۔
نکاح کی تقریب کی تصاویر دی آرٹسٹ فوٹو گرافی کے آفیشل انسٹاگرام پیج پر شیئر کی گئی ہیں۔
مزید پڑھیں:وریندر سہواگ اور اہلیہ کے درمیان علیحدگی کی خبریں
سوشل میڈیا ذرائع کے مطابق ڈومیسٹک کرکٹ کھیلنے والے 24 سالہ ابتسام الحق کا نکاح اقراء عامر نامی لڑکی کے ساتھ ہوا ہے۔
نکاح کے اس پُر مسرت موقع پر اس جوڑے نے کریم رنگ کے ملبوسات کا انتخاب کیا ہے، جس میں یہ جوڑا انتہائی خوبصورت دکھائی دے رہا ہے۔
سوشل میڈیا پر انضمام الحق کے بیٹے و کرکٹر ابتسام الحق کی تصاویر و ویڈیوز وائرل ہوتے ہی مداحوں کی جانب سے مبارک باد کا سلسلہ شروع ہو گیا ہے۔