(ما نیٹرنگ ڈیسک)پاکستان کے سابق کپتان اور کرکٹر سرفراز احمد کی اہلیہ خوش بخت سرفراز نے پاکستان کرکٹ بورڈ سے شوہر کا پوچھ لیا۔
تفصیلات کے مطابق سرفراز احمد کو پی سی بی کی جانب سے مسلسل نظر انداز کیا جا رہا ہے یہ ہی وجہ ہے کہ کپتانی سے ہٹائے جانے کے بعد انہیں پلیئنگ الیون سے بھی نکال دیا گیا اور پھر سنٹر ل کنٹریکٹ میں بھی تنزلی کی گئی ۔اس صورتحال پر سرفراز احمد مکمل خاموش ہیں اور ٹیم کے ساتھ ساتھ موجود ہیں ،اس دوران چاہے انہیں گراﺅنڈ میں کھلاڑیوں کو پانی پلانے کے لیے بھیجا جائے یا پویلین میں بٹھا کر میچ دکھائے جائیں وہ ان کاموں کو ذمہ داری سے سر انجام دے رہے ہیں ۔اب پی سی بی کی جانب سے سرفراز احمد کی تصویر شیئر نہ کرنے پر آخر اہلیہ کا حوصلہ جواب دے گیا اور انہوں نے پی سی بی سے معنی خیز سوال کر ڈالا ۔پاکستان کرکٹ اسکواڈ ویسٹ انڈیز کے دورے پر بارباڈوس میں موجود ہے جبکہ گزشتہ روز کورونا ٹیسٹ منفی آنے کے بعد ٹیم کی آئسولیشن بھی ختم کردی گئی تھی۔
اب پاکستان کرکٹ بورڈ نے آفیشل ٹوئٹر اکاونٹ سے سکواڈ کی بارباڈوس کے ساحل پر ٹریننگ کی تصاویر شیئر کیں۔ان تصاویر میں کھلاڑی ٹریننگ کے ساتھ ساتھ تفریح بھی کررہے ہیں۔ایسے میں سکواڈ میں شامل سابق کپتان اور وکٹ کیپر سرفراز کی اہلیہ خوش بخت سرفراز نے تصاویر میں شوہر کے نظر نہ آنے پر پی سی بی پوچھ لیا کہ میرے شوہر کہاں ہیں؟
اس پر پی سی بی نے سرفراز کی سمندر سے نکلنے کی تصویر ڈال دی۔
یہ بھی پڑھیں:شادی کی تقریب میں دولہا کے دوستوں کا ایسا تحفہ کہ دیکھ کر دلہن آگ بگولہ ہو گئی