ن لیگ نے عدلیہ کونشانے پر رکھ لیا ، شیخ رشید احمد

(ویب ڈیسک) سابق وزیر داخلہ اور عوامی مسلم لیگ کے سربراہ شیخ رشید احمد نے کہا ہے کہ  پنجاب کی وزارت اعلیٰ نے ڈیڑھ ماہ میں2مرتبہ حلف اٹھایا،تیسرے کی تیاری ہے۔اس سے بڑا سیاسی عدم استحکام کیا ہو گا،ن لیگ نے عدلیہ کونشانے پر رکھ لیا ہے۔

سابق وزیر داخلہ شیخ رشید احمد نے سماجی رابطے کی ویب سائٹ ٹوئٹر پر لکھا کہ ڈیڑھ ماہ میں پنجاب کی وزارت اعلیٰ نے 2 مرتبہ حلف اٹھایا اور اب تیسرے کی تیاری ہے، ہفتے میں ڈالر 20 روپے مزید بڑھا ہے اور مفتاح اسماعیل نے ایل پی جی پر لیوی بھی بڑھا دی ہے۔

ڈیڑھ ماہ میں پنجاب کی وزارت اعلی نے2مرتبہ حلف اٹھایا،تیسرے کی تیاری ہے،اس سےبڑامعاشی بحران اورسیاسی عدم استحکام کیاہوگا۔ہفتےمیں ڈالر20روپے مزیدبڑھا ہےاور مفتاح نے LPGپرلیوی بھی بڑھادی ہے۔نون لیگ نے پاکستان کی آخری امید عدلیہ کونشانے پر رکھ لیاہے۔فضل الرحمن اور زرداری بپھر گئے ہیں

— Sheikh Rashid Ahmed (@ShkhRasheed) July 24, 2022

اس سے قبل انہوں نے سابق صدر آصف زرداری اور سابق وزیراعظم نوازشریف پر تنقید کرتے ہوئے کہا تھا کہ آصف زرداری ملک کے آئین اور وحدت کے لئے خطرہ ہیں۔وہ غیر ملکی ایجنڈے پر کام کر رہے ہیں۔ نواز شریف بھی اس سازش میں برابر کا شریک ہے جبکہ کہ فضل الرحمن بپھر گئے ہیں۔