جب تک شادی نہیں ہو گی کورونا ویکسین نہیں لگواؤں گا، پستہ قد زمیندار کا اعلان

(24 نیوز)صوبہ سندھ کے ضلع نواب شاہ  کے پستہ قد زمیندار نے کہا ہے کہ جب تک میری شادی نہیں ہوگی میں کورونا ویکسین نہیں لگواؤں گا ۔

تفصیلات کے مطابق نوابشاہ کے نواحی گاؤں ساندھ کیریو سے تعلق رکھنے والے ڈیڑھ فٹ کے نوجوان زمیندار امام بخش کیریو نے کورونا ویکسین کو اپنی شادی سے مشروط کردیا ہے ۔24 نیوز سے گفتگو کرتے ہوئے چھوٹے قد کے امام بخش کیریو کا کہنا ہےکہ ان کے پاس کار اور گھر ہے ، اللہ تعالی کا دیا سب کچھ ہے لیکن صرف ایک اچھے جیون ساتھی کی کمی ہے۔ انہوں نے کہا کہ میں ایسا جیون ساتھی چاہتا ہوں جو میری اور میرے گھر والوں کی خدمت کرے۔

یہ بھی پڑھیں: پسند کی شادی سے انکار ،3بہنیں والد،والدہ اور بھائی کو زہریلی لسی پلا کر فرار