پاکستان میں پولیو وائرس کا ایک اور کیس سامنے آگیا

(ویب ڈیسک) پاکستان میں پولیو وائرس کا ایک اور کیس سامنے آگیا اور یہ کیس بھی شمالی وزیرستان کے ایک بچے میں سامنے آیا ہے۔

ترجمان وزارت صحت کے مطابق 8ماہ کے بچے میں پولیو وائرس کی تصدیق ہوئی ہے جس کا تعلق شمالی وزیرستان کے علاقے میر علی یونین کونسل 7 سے ہے۔

ترجمان وزارت صحت کا مزید کہنا ہے کہ رواں برس پولیو کے تمام کیسز شمالی وزیرستان سے رپورٹ ہوئے ہیں، میرعلی سے پولیو کیسز کی تعداد 8 ہوگئی ہے۔

وفاقی وزیر صحت عبدالقادر پٹیل کا کہنا ہے کہ پولیو کے خاتمے کیلئے ملک بھر سے تعاون کی ضرورت ہے، تمام والدین اپنے بچوں کو پولیو سے بچاؤ کے قطرے ضرور پلوائیں۔

یہ بھی پڑھیں: امریکا: سپریم کورٹ کے جج کو شرمناک حرکت پر جیل کی سزا کا حکم