کرن جوہر نےسنجے کپور کی بیٹی شنایا کپور کو فلم میں کاسٹ کر لیا

(24 نیوز)بھارتی فلم انڈسٹری کے مشہور فلمساز کرن جوہر اداکار سنجے کپور کی بیٹی شنایا کپور کو لانچ کریں گے۔

 بھارتی ذرائع ابلاغ کے مطابق فلمساز کرن جوہر  بالی ووڈ کے متعدد فلمی ستاروں کے بچوں کو اپنی ہوم پروڈکشن کے بینر تلے لانچ کرچکے ہیں اور اب وہ  اداکار سنجے کپور کی بیٹی شنایا کپور کو بطور اداکارہ لانچ کرنے والے ہیں۔کرن جوہر نے ان کی لانچنگ کا اعلان سوشل میڈیا پر کیا ہے۔

اس حوالے سے فلمساز کرن جوہر نے ویڈیو شیئر کرتے ہوئے لکھا ہے کہ ’’ہماری فیملی میں ایک اور خوبصورت چہرے کا  اضافہ ہوا ہے۔ڈی سی اے سکواڈ میں آپ کا استقبال ہے، شنایا کپو ر کا جوش اور محنت حیرت انگیز ہے۔ہمارے ساتھ شامل ہوں اور ان پر اپنا پیار اور دعاؤں سے نوازیں کیونکہ وہ اپنی پہلی فلم دھرما پروڈکشن کے ساتھ اس جولائی میں شروع کرنے جارہی ہیں‘‘۔