پنجاب کے 9 اضلاع میں تعلیمی ادارے 11 اپریل تک بند رکھنے کا اعلان

(24نیوز) وفاقی وزیر تعلیم شفقت محمود نے این سی او سی اجلاس کے بعد پریس کانفرنس کرتے ہوئے پنجاب کے 9 اضلاع میں تعلیمی ادارے 11 اپریل تک بند رکھنے کا اعلان کردیا۔

نیشنل کمانڈ اینڈ آپریشن سنٹر کے اجلاس کے بعد پریس کانفرنس کرتے ہوئے شفقت محمود کا کہنا تھا کہ جہاں کورونا کی شدت زیادہ ہے وہاں تعلیمی ادارے 11اپریل تک بند رہیں گے ۔نویں تا بارہویں امتحانات شیڈول کے مطابق مئی کے آخر میں ہوں گے ۔

صوبائی وزیر تعلیم پنجاب مراد راس نے بھی اپنے ٹویٹر پیغام میں تمام سرکاری اور پرائیویٹ تعلیمی ادارے 11 اپریل تک بند رکھنے کا اعلان کیا ہے۔ مراد راس  نے اپنے ٹویٹ میں مزید لکھا کہ تعلیمی اداروں کی بندش کا اطلاق پنجاب کے 9 اضلاع لاہور، راولپنڈی، گوجرانوالہ، گجرات، ملتان ، فیصل آباد ، سیالکوٹ ،سرگودھا  اور شیخو پورہ  میں ہوگا۔

ANNOUNCEMENT:
All Public & Private schools of Lahore, Rawalpindi, Gujranwala, Gujrat, Multan, Faisalabad, Sialkot, Sargoda, Sheikhupura will remain closed till April 11th, 2021. The remaining Districts will be open on previous schedule.

— Murad Raas (@DrMuradPTI) March 24, 2021