(ویب ڈیسک)مسجد الحرام کی تیسری توسیع کے دوران ایک اہم سنگ میل عبور کرلیا گیااور نئے تیار کردہ ایمرجنسی ہیلی پیڈ پر پہلی بار ایئرایمبولینس نے کامیابی کے ساتھ لینڈنگ کی۔
یہ اقدام سعودی عرب کی جانب سے زائرین کو فوری اور مؤثر طبی امداد فراہم کرنے کی غرض سے کیا گیا ہے،یہ جدید ہیلی پیڈ خصوصی طور پر ایئرایمبولینس سروس کے لیے ڈیزائن کیا گیا ہے تاکہ کسی بھی طبی ایمرجنسی کی صورت میں مریضوں کو تیزی سے قریبی ہسپتالوں تک منتقل کیا جا سکے۔
یہ بھی پڑھیں:پرائیویٹ حج ٹوور آپریٹرز کے مسائل کو ترجیحی بنیادوں پر حل کیا جائے گا، وفاقی وزیر سردار یوسف
سعودی وزارت صحت اور دیگر متعلقہ اداروں نے اس آزمائشی عمل کی نگرانی کی،اس اقدام کا مقصد نہ صرف مسجد الحرام میں آنے والے لاکھوں زائرین کی صحت و حفاظت کو یقینی بنانا ہے بلکہ سعودی عرب کی طبی سہولتوں کو مزید بہتر اور مؤثر بنانا بھی ہے۔