آہنی باڑ پھاڑ کر غیر قانونی طور پر پاکستان میں داخل ہونیوالے 50 افغان بچے حکام کے حوالے

( 24  نیوز )فرنٹیئر کور ( ایف سی) حکام نے آہنی باڑ پھاڑ کر غیر قانونی طور پر  پاکستان میں داخل ہونے والے 50 افغان بچے، بچیوں کو افغان حکام کے حوالے کردیا۔

ایف سی ذرائع کے مطابق طورخم سرحدی گزرگاہ کے قریب آہنی باڑ کو  پھاڑ کر پاکستان میں 50 افغان بچے اور بچیاں داخل ہوگئے تھے جنہیں پولیس نے حراست میں لے لیا تھا۔

 ذرائع کا بتانا ہے کہ  قبائلی عمائدین کی استدعا پر ڈی پورٹ کرکے ان بچوں کو  طورخم سرحد پر  افغان حکام کے حوالے کردیا گیا ہے۔

 یہ بھی پڑ ھیں:سکھوں کا لاس اینجلس میں کامیاب ریفرنڈم، بھارت سے علیحدگی کا فیصلہ

ایف سی ذرائع کے مطابق افغان بچے طورخم کے راستے غیر ملکی اشیاء کی اسمگلنگ کرتے ہیں۔

مزید برآں  ایف سی حکام نے افغان حکام سے مطالبہ کیا ہےکہ وہ اپنے بچوں کو آہنی باڑ توڑ کر پاکستان داخل ہونے سے روک دیں۔