عالیہ بھٹ اور رنبیر کپورپھروالدین بننے والے ہیں؟

(ویب ڈیسک)بالی ووڈ کے سپر اسٹار اداکار رنبیر کپور نے اپنے ہاں جَلد دوسرے ننھے مہمان کی آمد سے متعلق عندیہ دےدیا۔

رنبیر کپور نے حال ہی میں بھارتی میڈیا  کو انٹرویو دیا ہے،انٹرویوکے دوران جب ان سے نئے ٹیٹو گدوانے کے ارادے سے متعلق سوال کیا گیا تو انہوں نے بتایا کہ میری گردن پر پہلے ہی سے میری بیٹی راہا کا نام لکھا ہوا ہے، اب میں ایک اور ٹیٹو گدوانے کا ارادہ رکھتا ہوں۔

رنبیر کپور نے مزید کہا کہ راہا کے بعد میں نے کوئی نیا ٹیٹو نہیں بنوایا مگر امید ہے کہ جَلد نیا ٹیٹو بنواؤں گا، مجھے نہیں معلوم کہ یہ ٹیٹو کیا ہو گا، شاید میرے دوسرے بچے کا ہی نام ہو گا۔

اداکار کے اس بیان کے بعد بھارتی میڈیا پر یہ قیاس آرائیاں شروع ہو گئی ہیں کہ آیا رنبیر کپور اور عالیہ بھٹ اپنی دوسری اولاد سے متعلق منصوبہ بندی کر رہے ہیں۔

اس سے قبل اداکارہ عالیہ بھٹ نے اپنے ایک انٹرویو کے دوران بتایا تھا کہ جب میں اور رنبیر اپنے پہلے بچے کے لیے نام تلاش کر رہے تھے تو گھر کے فیملی گروپ میں سب سے مشورے لے رہے تھے، ہم نے کئی لڑکیوں اور لڑکوں کے نام دیکھے، ہمیں ایک لڑکے کا نام بہت پسند آیا لیکن میں ابھی وہ نام ظاہر نہیں کروں گی۔

یہ بھی پڑھیں:جینیفر لوپیز نے بن ایفلیک سے طلاق کے بعد دوبارہ محبت کی تلاش شروع کردی

یہ جوڑی اپریل 2022ء میں شادی کے بندھن میں بندھی تھی اور اسی سال ان کی بیٹی راہا پیدا ہوئی۔