سپیشل پروفیشنلز پےسکیل ون سےلیکرفورتک ڈیلی الاؤنس ریٹ مقرر

(وقاص عظیم)وفاقی حکومت کےتحت تعینات پروفیشنلزکو 4920روپے تک ڈیلی الاؤنس ملے گا۔

وزارت خزانہ نےسپیشل پروفیشنلزپےسکیل ون سےلیکرفورتک ڈیلی الاؤنس ریٹ مقررکردیا۔وزارت خزانہ نےمراسلہ عمل درآمد کے لیےتمام وزارتوں،ڈویژنزاورمتعلقہ اداروں کو بھجوادیا۔

سپیشل پروفیشنلز پےسکیل ون،ٹو کا سپیشل سٹیشنزکے لیےڈیلی الاونس ریٹ 4920روپے ہوگا،سپیشل پروفیشنلزپےسکیل ون،ٹوکا آرڈنری سٹیشنز کےلیےڈیلی الاونس ریٹ3720 روپے ہوگا۔

سپیشل پروفیشنلز پےسکیل تھری،فورکاسپیشل سٹیشنزکے لیے ڈیلی الاونس ریٹ3840روپے ہوگا،سپیشل پروفیشنلز پےسکیل تھری،فورکاآرڈنری سٹیشنزکے لیےڈیلی الاونس ریٹ3ہزارروپے ہوگا۔

کراچی،حیدر آباد،سکھرکو ڈیلی الاونس کےسپیشل ریٹس کے لیے سٹیشنزڈکلیرڈکردیاگیا۔بہاولپور،راولپنڈی،ملتان کوڈیلی الاؤنس کےسپیشل ریٹس کے لیےسٹیشنزڈکلیرڈکیاگیا ہے۔ڈی جی خان، کوئٹہ،سرگودھا،سیالکوٹ، لاہور ،گوجرانوالہ،اسلام آباد، فیصل آباد کوسٹیشنزڈکلیرڈکیاگیا ہے ۔

پشاور،گوادر،شمالی علاقہ جات، مظفرآباد، میرپورڈیلی الاؤنس کے سپیشل ریٹس کےلیےسٹیشنز ڈکلیرڈکر دیئے گئے۔ڈیلی الاؤنس آؤٹ سٹیشن اصل راتوں کے قیام کےحساب سےکلیم کیا جا سکے گا۔رات کاقیام نہ ہونے، ہیڈکوارٹرزسے 4گھنٹےسےزیادہ غیرموجودگی پرآدھےدن کے الاؤنس کی اجازت ہوگی۔سپیشل پروفیشنلز پےسکیل ون سےفورتک آفیشل ڈیوٹی کےلیے اکانومی کلاس پرہوائی سفر کےحقدار ہوں گے۔

وفاقی حکومت نےسپیشل پروفیشنلز پےسکیل ون کاپے پیکج 15لاکھ سے20 لاکھ روپےمقررکررکھا ہے۔سپیشل پروفشنل پےسکیل ٹوکا پےپیکج 10لاکھ سے14لاکھ 90 ہزار روپے مقرر ہے۔سپیشل پروفیشنلزپےسکیل تھری کا پے پیکج 5لاکھ سے9لاکھ 90 ہزار روپے مقرر ہے۔وفاقی حکومت نےسپیشل پروفیشنلز پےسکیل فور کا پے پیکج 5 لاکھ روپے تک مقررکررکھا ہے۔