کراچی: فائرنگ کے واقعے میں 2 افراد جاں بحق

(ویب ڈیسک) شہر قائد کے علاقے منگھوپیر زیبو گوٹھ میں فائرنگ کے واقعے میں 2 افراد جاں بحق جبکہ دو زخمی ہوگئے۔

کراچی پولیس کے مطابق فائرنگ کے واقعے میں جاں بحق اور زخمی ہونے والے افراد کا تعلق ایک ہی خاندان سے ہے جبکہ جاں بحق افراد میں باپ بیٹا اور زخمیوں میں ایک بیٹا اور ماں شامل ہیں۔

یہ بھی پڑھیے: گجرات، نامعلوم موٹرسائیکل سواروں کی فائرنگ سے باپ بیٹا قتل

پولیس نے بتایا کہ جاں بحق افراد کی لاشوں اور زخمیوں کو عباسی شہید ہسپتال منتقل کر دیا گیا ہے۔

پولیس نے مزید بتایا کہ واقعہ ذاتی دشمنی کا شاخسانہ معلوم ہوتا ہے جبکہ مزید تحقیقات جاری ہیں۔