(احمد رضا، اسپورٹس ڈیسک) سری لنکا کی ٹی ٹوئنٹی لیگ لنکا پریمیئر لیگ میں تین پاکستانی کرکٹرز کا آکشن سے قبل ہی معاہدہ ہوگیا۔
اس حوالے سے سری لنکا کرکٹ کا کہنا ہے کہ پاکستان ٹیم کے کپتان بابر اعظم اور فاسٹ بولر نسیم شاہ کا کولمبو اسٹارز کے ساتھ معاہدہ ہوا ہے۔
اسی طرح اوپننگ بیٹر فخر زمان نے کینڈی فیلکنز کے ساتھ معاہدہ سائن کیا ہے۔
خیال رہے کہ لنکا پریمیئر لیگ کا چوتھا ایڈیشن 30 جولائی سے شروع ہوگا۔ ٹیموں میں دیگر سلاٹس کیلئے پلیئرز آکشن اگلے ماہ منعقد ہوگا۔