پریانکا چوپڑا شہزادہ ولیم سے متعلق پرانے انٹرویو پر تنقید کی زد میں آگئیں

(ویب ڈیسک)عالمی شہرت یافتہ بھارتی اداکارہ پریانکا چوپڑا اپنی ایمیزون سیریز "سیٹاڈیل" میں پرنسز آف ویلز کیتھرین مڈلٹن کی توہین کرنے پر آج کل شدید تنقید کی زد میں ہیں۔

تفصیلات کے مطابق سوشل میڈیا صارفین کی جانب سے پریانکا چوپڑا پر الزام ہے کہ" انہوں نے اپنی دوست میگھن مارکل کے کہنے پر ویب سیریز میں کیٹ مڈلٹن کے بارے میں توہین آمیز انداز میں بات کی۔"حال ہی میں کیٹ مڈلٹن کے حامیوں کو پریانکا چوپڑا کے ایک پرانے انٹرویو کی ویڈیو ملی ہے جس میں اداکارہ شہزادہ ولیم کے بارے میں بہت پیار سے بات کرتے نظر آرہی ہیں۔

Ooooh ok!!! NOW it makes sense why priyanka Chopra hates Catherine so much???? Prince William was her ideal date????????Goodness I see why Meghan and her are friends. Both wanred William but Catherine has him???? pic.twitter.com/SaCTCriYSo

— Canellecitadelle (@Canellelabelle) May 20, 2023

پریانکا چوپڑا کو سوشل میڈیا پر وائرل ہونے والے پرانے انٹرویو میں ایک سوال کے جواب میں یہ کہتے ہوئے دیکھا جاسکتا ہے کہ"میں شہزادہ ولیم کے ساتھ ڈیٹ پر جانا چاہوں گی کیونکہ مجھے یہ جاننا ہے کہ 23 سال کی عمر میں رائلٹی کیسی ہوتی ہے"۔

واضح رہے کہ پریانکا چوپڑا نے اپنی ایمیزون سیریز "سٹاڈیل" کی نئی قسط میں کیٹ مڈلٹن کا حوالہ دے کر شاہی خاندان کے مداحوں کو ناراض کردیا ہے۔

برطانوی شاہی خاندان کے مداحوں کا بھارتی اداکارہ کو تنقید کا نشانہ بناتے ہوئے کہنا ہے کہ "انہوں نے اپنی فلاپ ایمیزون سیریز میں پرنسز آف ویلز کا حوالہ توہین آمیز انداز میں اور غیر ضروری طور پر دیا۔"