(ویب ڈیسک)بھارت کا مقبول ترین کرائم ڈرامہ سیریل "سی آئی ڈی" 6 سال کے بعد ایک بار پھرواپس آرہاہے۔
بھارتی میڈیا کے مطابق اس ڈرامے کے پروڈیوسرز نے انسٹاگرام پر ایک مختصر ویڈیو شیئر کی جس میں شوٹنگ کے مناظر دکھائے گئے ہیں،رپورٹ میں بتایا گیا ہے کہ شو کی ریکارڈنگ 22 نومبر کو کاسٹ اور عملے کی موجودگی میں مہورت پوجا کے ساتھ شروع کی جاچکی ہے۔
یہ ڈرامہ دوبارہ وہیں سے شروع ہوگا جہاں سے 6 سال پہلے ختم ہوا تھا، مداح بھی اس ڈرامے کے دوبارہ آغاز پر بےحد خوش ہیں۔
سی آئی ڈی کے نئے سیزن میں پرانی کاسٹ شامل ہے جن میں شیواجی ستم (اے سی پی پردیومن) اور آدتیہ سریواستو (انسپکٹر ابھیجیت) اپنے مخصوص کردار نبھاتے نظر آئیں گے۔
یہ بھی پڑھیں:دھوم دھڑکے والی شادی نہیں کروں گی، درفشاں سلیم
پہلی قسط کی ریلیز کی تاریخ کا اعلان ابھی تک نہیں کیا گیا،البتہ اس کا پریمیئر ممکنہ طور پر کرسمس 2024 کے قریب ہوگا،25 اکتوبر کو جاری کیے گئے پرومو نے مداحوں کی دلچسپی میں اضافہ کردیا تھا، جس میں دکھایا گیا تھا کہ ابھیجیت نے دیا پر گولی چلائی ہے۔
واضح رہے کہ" سی آئی ڈی" جنوری 1998 سے اکتوبر 2018 تک نشر ہوتا رہا, تاہم چینل انتظامیہ اور ڈائریکٹر کے درمیان اختلافات کی وجہ سے اسے اچانک بند کر دیا گیا تھا۔