(ممتاز شگری)بھارتی میڈیا کا چیمپئنز ٹرافی پر آئی سی سی کی ہنگامی میٹنگ کا دعویٰ جھوٹا ثابت ہوگیا، انٹرنیشنل کرکٹ کونسل نے بھارتی میڈیا کی خبروں کی تردید کر دی۔
آئی سی سی ذرائع نے بھارتی میڈیا کی خبروں کی تردید کر دی،ذرائع کا کہنا ہے کہ چیمپئنز ٹرافی کے شیڈول، ہائبرڈ ماڈل اور بھارتی انکار کے معاملات پر کوئی میٹنگ اب تک طے نہیں ہے،بھارتی میڈیا نے کچھ روز قبل 26 نومبر کو آئی سی سی کی ہنگامی بورڈ میٹنگ کی خبر نشر کی تھی۔
ضرورپڑھیں: پاکستان کا زمبابوے کےخلاف ٹاس جیت کر بائولنگ کافیصلہ، 3 کھلاڑیوں کا ڈیبیو
بھارتی میڈیا کا کہنا تھا کہ میٹنگ میں بھارت اور پاکستان کرکٹ بورڈ کے ممبران شریک ہوں گے،میٹنگ میں چیمپئنز ٹرافی کے مستقبل کا فیصلہ کیا جائے گا،پی سی بی پہلے ہی ایسی کسی میٹنگ سے لاعلمی ظاہر کر چکا تھا۔