گوگل میپ کے دکھائے راستے پر جاتے گاڑی زیر تعمیر پل سے گر گئی،3 افراد ہلاک
کیپشن: زیر تعمیر پل
سورس: گوگل
Stay tuned with 24 News HD Android App
(24 نیوز) گوگل میپ کے بتائے گئے راستے پر سفر کرنے والی گاڑی کے زیر تعمیر پل سے گرنے سے 3 افراد ہلاک ہوگئے۔
بھارتی میڈیا کے مطابق گزشتہ شب بدایوں شہر سے فرید پور قصبے کی طرف جاتی گاڑی بریلی میں رام گنگا ندی پر زیر تعمیر پُل سے نیچے جا گری۔
50 فٹ کی بلندی سے گرنے پر گاڑی میں سوار 2 بھائیوں سمیت 3 نوجوان موقع پر ہی ہلاک ہوگئے۔
مزید پڑھیں:پہیہ جام ہڑتال، کل بلوچستان کے تمام تعلیمی ادارے بند
اہلخانہ کے مطابق نوجوان گوگل میپ کی رہنمائی میں سفر کر رہے تھے، جی پی ایس نے پُل کا راستہ کلیئر دکھایا لیکن آگے جا کر پُل موجود نہیں تھا۔
اہلخانہ کا کہنا ہے کہ انتظامیہ نے زیر تعمیر پُل پر کوئی رُکاوٹ لگائی ہوتی تو افسوس ناک حادثہ پیش نہ آتا، پولیس کے مطابق حادثے کی مزید تحقیقات جاری ہیں۔