پاک بھارت ٹاکرا: شاہد آفریدی بھی پر جوش

(مانیٹرنگ ڈیسک)پاکستان کی جیت کے لیے جہاں شائقینِ کرکٹ پُرامید ہیں تو وہیں سابق کرکٹرز بھی آج کے میچ کے لیے کافی پُرجوش نظر آرہے ہیں۔

تفصیلات کے مطابق آج ٹی ٹوئنٹی ورلڈ کپ 2021 کا سب سے بڑا ٹاکرا یعنی پاک بھارت میچ ہونے جارہا ہے اور شائقینِ کرکٹ بےصبری سے میچ کے شروع ہونے کا انتظار کررہے ہیں ایسے میں قومی کرکٹ ٹیم کے سابق کپتان شاہد آفریدی نے مائیکرو بلاگنگ سائٹ ٹوئٹر پر اپنی کچھ نئی تصاویر شیئر کی ہیں،پاک بھارت میچ کیلئے سابق کپتان شاہد آفریدی نے خصوصی تیاری کرلی۔

Lala world cup k dino ap yahi dp Laga dai Plzz???? pic.twitter.com/RPzRZjpQq6

— Nimra Yousafzai 10 (@Asmiiii10) October 23, 2021

 ان تصاویر میں شاہد آفریدی نے اپنے نام اور نمبر کی جرسی زیب تن کی ہوئی ہے جو کہ پاکستان کرکٹ بورڈ (پی سی بی) کی شاپ کی جانب سے اُنہیں بطورِ تحفہ بھیجی گئی ہے،شاہد آفریدی نے تحفہ بھیجنے پر پاکستان کرکٹ بورڈ (پی سی بی) کی شاپ کا شکریہ ادا کیا،اُنہوں نے کہا کہ ’انشاءاللّٰہ! وہ یہ جرسی پاک بھارت میچ کے لیے خصوصی طور پر پہنیں گے اور اپنی ٹیم کو سپورٹ کریں گے۔

واضح رہے کہ پاکستان اور بھارت کے درمیان میچ آج پاکستانی وقت کے مطابق شام 7 بجے دبئی اسٹیڈیم میں کھیلا جائے گا۔
 یہ بھی پڑھیں:    لاہور قلندرز کا پاکستانی ٹیم کیلئے خصوصی نغمہ