پاک بھارت ٹاکرا:  کرکٹ اسکواڈ کی فیملیز بھی میچ دیکھیں گی

 (مانیٹرنگ ڈیسک)انٹرنیشنل کرکٹ کونسل (آئی سی سی) ٹی ٹوئنٹی ورلڈ کپ کے سب سے بڑے مقابلے پاک بھارت ٹاکرا میں قومی کرکٹ اسکواڈ کے ارکان کی دبئی میں موجود فیملیز اسٹیڈیم میں میچ دیکھیں گی، فیملیز کیلئے اسٹیڈیم میں خصوصی انتظامات کئے گئے ہیں۔

ذرائع نے تصدیق کی ہے کہ اسکواڈ کے بعض ارکان کی دبئی میں موجود فیملیز اسٹیڈیم میں میچ دیکھیں گی، فیملیز کے لئے اسٹیڈیم میں خصوصی انتظامات کئے گئے ہیں واضح رہےفیملیز بھی پاکستان ٹیم کا حوصلہ بڑھائیں گی۔

 خصوصی انتظامات بائیو سیکیور ببل کا حصہ ہونے کی وجہ سے کئے گئے ہیں کیونکہ اسکواڈ کے ارکان کی فیملیز بھی بائیو سیکور ببل کا حصہ ہیں یہی وجہ ہے کہ فیملیز کو بھی ماضی کی طرح آزادانہ گھومنے کی اجازت نہیں بلکہ کھلاڑیوں کی طرح ان کی سرگرمیاں بھی محدود ہیں۔

محمد حفیظ، شعیب ملک، محمد رضوان، فخر زمان، حسن علی، سرفراز احمد، عماد وسیم، عثمان قادر، کوچ ثقلین مشتاق اور فزیو کلف ڈیکن کے اہل خانہ دبئی میں موجود ہیں،انٹرنیشنل کرکٹ کونسل (آئی سی سی) پروٹوکولز کے مطابق پاکستان کرکٹ بورڈ(پی سی بی) نے اسکواڈ کو فیملیز ساتھ رکھنے کی اجازت دی۔
 یہ بھی پڑھیں:    پاک بھارت ٹاکرا: شاہد آفریدی بھی پر جوش