سینیئر اداکار طلعت اقبال امریکہ میں انتقال کرگئے

 (ما24نیوز) پاکستان ڈرامہ انڈسٹری کے سینیئر فنکار طلعت اقبال امریکا میں انتقال کر گئے، اہل خانہ نے تصدیق کر دی ۔

 تفصیلات کے  مطابق طلعت اقبال  کے اہل خانہ نٰے بتایا ہے کہ وہ امریکی ریاست ٹیکساس کے شہر ڈیلاس میں زیر علاج تھے، بتایا جارہا تھا کہ طلعت اقبال  بے ہوشی کی حالت میں وینٹی لیٹر پرتھے ۔

اس سے قبل طلعت اقبال کی بیٹی صومی حسین نے بتایا تھا کہ کہ ان کے والد کو کورونا نہیں ہوا بلکہ طلعت اقبال کچھ دوائیاں لے رہے تھے تو اس دوران ان کی سانس کی نالی میں گولی پھنس گئی تھی۔

خیال رہے کہ طلعت اقبال طویل عرصے سے ٹیکساس میں مقیم تھے جبکہ طلعت اقبال نے 70 اور 80 کی دہائی میں کئی ڈراموں میں مرکزی کردار ادا کیے اور فلموں میں بھی کام کیا۔طلعت اقبال کی نماز جنازہ آج بعد نماز جمعہ مسجد الرحمٰن میں ہوگی اور تدفین ریسٹ لینڈ قبرستان میں ہوگی۔
 یہ بھی پڑھیں:      پاکستان میں سابق بھارتی ایجنٹ کے تہلکہ خیز انکشافات