(ویب ڈیسک)ایپل نے اپنا جدید ترین نیا آئی فون 16 فروخت کے لیے پیش کر دیا، اور کمپنی نے یکمشت قیمت ادا نہ کرپانے والوں کے لیے آسان قسطوں کی سہولت بھی متعارف کروا دی۔
غیر ملکی خبر رساں ایجنسی کے مطابق آئی فون 16 پرو میکس، آئی فون 16 پرو جتنا ہی طاقتور اور جدید ہے, تاہم ان دونوں میں سب سے بڑا فرق ان کے سائز کا ہے۔ آئی فون 16 پرو میکس کا اسکرین سائز 6.9 انچ ہے جبکہ آئی فون 16 پرو کا اسکرین سائز 6.3 انچ اور بیس ماڈل آئی فون 16 کا اسکرین سائز 6.1 انچ ہے۔
آئی فون 16 پرو میکس 256GB کی قیمت 1,199 ڈالر ہے جبکہ 512GB اور 1TB اسٹوریج کی قیمتیں بالترتیب 1,399 اور 1,599 ڈالر ہیں۔
ایپل کی آفیشل ویب سائٹ کے مطابق جو صارفین آئی فون پرو میکس یکمشت قیمت ادا کر کے خریدنے کی صلاحیت نہیں رکھتے۔ وہ اسے 2 سالوں کی آسان اقساط پر بھی حاصل کر سکتے ہیں۔
2 سالہ منصوبے کے تحت آئی فون 16 پرو میکس 256GB کے لیے ماہانہ قسط 49.95 ڈالر ہو گی۔ جبکہ آئی فون 16 پرو 512GB کے لیے 58.29 ڈالر ہو گی۔ اسی طرح آئی فون 16 پرو میکس 1TB کی ماہانہ قسط 66.6 ڈالر ہو گی۔
اس میں سپر ریٹینا XDR ڈسپلے کے ساتھ پرو موشن ٹیکنالوجی بھی شامل ہے۔ اور ہمیشہ آن ڈسپلے کی خصوصیت بھی موجود ہے۔ آئی فون 16 پرو میکس A18 پرو چپ سے چلتا ہے۔ جس میں 6 کور CPU، 6 کور GPU اور 16 کور نیورل انجن شامل ہیں۔ جو ایپل کی انٹیلیجنس کو ایک نئی سطح پر لے جاتے ہیں۔
یہ بھی پڑھیں: کیا آپ آئی فونز سکرین پر نظر آنے والے اورنج ڈاٹ کا مقصد جانتے ہیں؟
آئی فون 16 پرو میں گریڈ 5 ٹائٹینیم ڈیزائن ہے جس میں ایک نیا، بہتر مائیکروبلاسٹڈ فنش ہے۔ ٹائٹینیم ان دھاتوں میں سے ایک ہے جن کی طاقت اور وزن کا تناسب سب سے زیادہ ہے۔ جس کی وجہ سے یہ ماڈلز بے حد مضبوط اور حیرت انگیز حد تک ہلکے ہیں۔
نئے 48MP فیوژن کیمرے اور دوسری جنریشن کے کواڈ پکسل سینسر کے ساتھ، آئی فون 16 پرو آپ کو ویڈیو موڈ میں 4K 120 fps ڈولبی ویژن یا سلو مو میں ویڈیو ریکارڈ کرنے دیتا ہے۔