(ویب ڈیسک)خوبصورت نظر آنے کے لیے کورین گلوکار نے کاسمیٹک سرجری کروالی جس کے بعد انہیں پہچاننا ہی مشکل ہوگیا۔
میڈیا رپورٹ کے مطابق جنوبی کوریا سے تعلق رکھنے والے 29 سالہ نوجوان ٹروٹ سنگر (گلوکار) پارک سیو جنہوں نے اپنے چہرے کی حیرت انگیز سرجری کروا کر اپنے مداحوں کو چونکا کر رکھ دیا۔
پارک سیو جن نے جنوبی کوریا میں گلوکاری کا آغاز 2013 میں کیا تھا، تاہم گزشتہ چند عرصے اپنی سرجری کے باعث وہ زیر بحث تھے۔
کورین گلوکار اپنی کاسمیٹک سرجری سے متعلق انکشاف کرتے ہوئے دعویٰ کیا کہ انھوں نے اس میں 75 ہزار ڈالر خرچ کیے۔
یہ بھی پڑھیں :روس نے لندن میں نیوکلئیر دھماکے کی خوفناک ویڈیو جاری کردی
رپورٹ کے مطابق گزشتہ ہفتے پارک سیو جن کو کورین میڈیا کے مختلف شوز میں مدعو کیا گیا تھا جہاں انہوں نے اپنی سرجری کے حیرت انگیز سفر سے متعلق کھل کر انکشاف کیا۔
پارک سیو جن نے ایک موقع پر بتایا کہ میرے کانوں اور آنکھوں کے ڈھیلے کے علاوہ مکمل سرجری کی گئی۔
واضح رہے جنوبی کوریا میں پلاسٹک سرجری بہت مقبول ہے، جہاں ہزاروں لوگ چین اور دوسرے ایشیائی ممالک سے جدید ترین کاسمیٹک سرجری کروانے کی غرض سے وہاں جاتے ہیں۔